كيف ممكن نتعرض للإختراق؟ طرق الإختراق البسيطة #1 || How do we make ourself hackable #1

طرق الإختراق كثيرة وبين كل فترة وفترة تطلع طرق جديدة لدرجة قمنا نقول أن الناس بدت توسوس ومستحيل أحد يقدر يخترق أجهزتنا بمجرد أننا شابكين على WiFi المطعم …إلخ

لكن في الواقع طرق الإختراق صارت بالإشياء اللي مو ممكن تفكر بإنها راح تضرك, أو أنك محتاجها فماراح يجي ببالك أنها ممكن تسبب إي شيء لجهازك, لكن مجرد ما تشبك جهازك في كباين الشحن العامة وتفتحه عشانه تستخدمه كإي شخص طبيعي, هنا في نسبة كبيرة لإنك سمحت لأحد بأنه يخترق جهازك!

لكن قبل نعدد طرق الإختراق, ممكن أي أحد يفكر “أصلا مين راح يهمه المعلومات اللي بجهازي عشان يخترقه!

صح ممكن يكون جهازك مافيه معلومات تهمّ بلد, لكن فيه نسبة مو قليلة من الناس تحفظ الرقم السري لبطاقات البنك وأرقام سرية ثانية مهمة في أجهزتها أو حتى ممكن تكون من الأشخاص اللي يستخدمون مواقع البنوك أو التطبيقات لها وسهل على أي هكر يطلع الباسورد للبطاقات منها, أو ممكن تكون من الأشخاص اللي تشتري من مواقع الأون لاين فمجرد ماتدخل وتسجل معلومات الفيزا راح تتسجل تلقائيًا عند مخترق جهازك وبكل بساطة يقدر يستخدمها!

طبعًا في أهداف كثير مثل الإختراق للإبتزاز أو التجسس وغيرها لكن ما أتوقع فيه شيء أهم من فلوسك…

المهم نرجع للبعض طرق الإختراق السهلة,

في أول طريقة ذكرتها لما تشبك جهازك على WiFi مكان عام مثل المطاعم أو المقاهي أو ممكن شبكة جيرانكم المفتوحة, طبعا في وقتها ماراح تفكر أنها ممكن تأثر عليك بشيء, لكن بشغل بسيط يقدر يطّلع على كل سجلات المتصفح بجهازك ومنها الأرقام السرية اللي دخلتها, وهذي من أسهل الطرق بالحياة بس يوفر لك شبكة مفتوحة وأنت تشبك ويقدر بعدها يخترق كل حساباتك. طبعا حلها فعل خدمة 4G بجهازك وأستغني عن الشبكات العامة أو المفتوحة.

الطريقة الثانية هنا فيديو يوريكم كيف الإختراق يتم بدون تفاصيل عميقة في حال شبكت جوالك في شاحن الأماكن العامة وكانت مهكره, وللإسف مالقيته مترجم بس لأن الموضوع يتطبق عمليًا بالفيديو إن شاءالله راح يكون سهل عليكم تفهمونه. طبعا بالحالة هذي ممكن أنت تتخذ حيطتك بإنك ماتفتح جهازك وتستخدمه وقت ما هو يشحن بإي شاحن في الأماكن العامة أو شاحن شخص ماتعرفه.

في طريقة أيضًا سهلة وما تؤخذ بعين الإعتبار, غالبا تُرسل روابط لتحميل برامج من الآب ستور أو روابط يكون قبلها عنوان يحمسك تفتح الرابط, الرابط راح يوديك للتطبيق اللي تبغى تحمله أو الفيديو اللي تبغى تشوفه بس لو ركزتوا بالفيديو اللي تو لما فتح تطبيق الفيسبوك طلعت له صفحة بيضاء بعدين كأنها رجعت على ورا وجاء بدالها الصفحة الرئيسية للتطبيق! لما تفتح الرابط اللي جايك من مصدر مو موثوق أو مجرد رابط الناس تتناقله بدون ماتدري أنه ممكن يخترق جهازهم راح تشوف نفس الشيء صفحة بيضاء بعدين تختفي وتوديك للشيء اللي تبغاه بكل بساطه وما كأنه صار إي شيء! هذي الصفحة عبارة عن الفايروس المسمى “حصان طروادة” ومسمى على قصة مشهورة أبحثوا عنها لو حابين تقرونها, المغزى أن الفايروس يدخل جهازك وكأنها شيء طبيعي من برا, لكنه يحمل الفايروس من جوا فمجرد ماتفتح الرابط راح ينتقل الفايروس لجهازك وبكذا يكون جهازك مخترق.

أسهل طريقة لك بإنك تأخذ اسم التطبيق اللي تبغى تحمله وتحمله من الآب ستور مباشرة مايحتاج تخاطر وتدخل روابط ماتعرف مصدرها, وبالنسبة للأشياء الثانية طبعا لو قلت لا تفتحونها مو حل بس راح تكون طريقة للوقاية.

طبعا نوع جهازك (iPhone, Galaxy, htc…etc) مايفرق كل الأجهزة سهل إختراقها لكن مو كل الفايروسات تكون مبرمجة على أنها تركب على نظام التشغيل في جهازك.

في الأخير, هل قد تعرضت للإختراق؟ وكيف كانت تجربتك معاه!

أشوفكم على خير. 

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s